گۆرانیبێژ عەتا قەرەداخی ئێستا خەریكی ئامادەكارییە بۆ دوو گۆرانی كە یەكێكیان عاشقانەیە و ئەوەیدیكەشیان بۆ سلێمانییە.
گۆرانیبێژ عەتا قەرەداخی بە(رووداو)ی راگەیاند كە ئێستا خەریكی ئامادەكارییە بۆ تۆماركردنی دوو گۆرانی بەشێوەی سینگل، كە دوو مانگی دیكە تەواویان دەكات، دەڵێ "گۆرانییەك بۆ سلێمانییە، گۆرانییەكیش لە ستایلی كارەكانی پێشوومە كە باسی عەشقێكی دابڕاو دەكات".
قەرەداخی ئاماژەی بەوەدا كە لە گۆرانی (سلێمانی) كە لە سلێمانی تۆمار و كلیپی دەكات، باسی خۆشی و ناخۆشی ئەمساڵ و ساڵانی رابردووی شاری سلێمانی دەكات "لە گۆرانییەكەدا باسی ئێستا و جارانی سلێمانی دەكەم كە چۆنە، ئایا ئەمساڵ خۆش بووە یان ساڵانی رابردوو خۆشتر بووە، لە ئەنجامی گۆرانییەكە وا دەردەكەوێ كە سلێمانی جاران خۆشتر بووە".
عەتا قەردەاخی جگە لەكاری هونەری، بۆ كاری بازرگانی هاتووچۆی وڵاتی چین و مالیزیا دەكات، لەوبارەیەوە دەڵێ "هەم كارە هونەرییەكە هەمیش كارە بازرگانییەكەم تێكەڵاوی یەكتر كردوون و گرێمداون بەیەكەوە".
به بۆنه‌ی جه‌ژنی نه‌ورۆزه‌وه پیرۆزبایی ئاراسته‌ی هه‌ر چوار پارچه‌ی كوردستان ده‌كه‌ین به هیوای ئازادی له نه‌ورۆزی داهاتوو
