كەویار هادی سەعید، لە دایكبوی 27/1/1999 خەڵكی ناوچەی تەوێڵەی هەورامانە و دانیشتوی شاری هەڵەبجەیە....
ئازادی: ڕۆژانە بەچییەوە سەرقاڵی؟
كەویار: خوێندكاری پۆلی شەشەمی بنەڕەتیم و سەرقاڵی فێربوونی میوزیك و گۆرانیم، بەتایبەتی ئارەزووی زۆرم هەیە بۆ ئامێری (كەمانچە).
ئازادی: ئەو گۆرانییانەی كە لە پڕۆگرامی (تۆ نمونەی) پێشكەشت دەكردن، لە هەڵبژاردنیان بڕیاری كێی لەسەربوو؟
كەویار: من خۆم ئەو گۆرانییانەم هەڵدەبژارد چونكە من زیاتر ئارەزوم بۆ گۆرانی و موزیكی سونەتی یە، بەڵام ئەگەر گۆرانی یەك لەگەڵ گروپی موزیكدا نەدەگونجا ئەوا ئەوان گۆرانییەكی تریان بۆ دەستنیشان دەكردم.
ئازادی: بۆچی لە بەرنامەكە یەك جار گۆرانی هەورامیت پێشكەش كرد؟
كەویار: من پێم باش بوو و زۆریشم حەز لێ ی بوو، بەڵام ئەو شێوازە لەگەڵ گروپی موزیكدا نەدەگونجا.
ئازادی: تا چەند پرۆگرامی (تۆ نمونەی)ت خۆشدەوێت؟
كەویار: بە دڵنییاییەوە خۆشمدەوێت، لەبەرئەوەی لەو بەرنامەیەوە ناسرام و تواناكانم دەركەوتن، (تۆ نمونەی) ئەو پرۆگرامەیە كە هەرگیز لە یادی ناكەم.
ئازادی: ئەو كاتانەی كە لیژنە نمرەی زۆری پێ دەبەخشیت هەستت چۆن بوو؟ ئەی كە نمرەكان كەم بوون؟
كەویار: ئەو كاتانەی كە 30 نمرەی تەواوم ئەهێنا، هەستم بە خۆشی و گەورەبوونی خۆم ئەكرد، تەنها یەك بەرنامە نەیبێت كە 26 م هێناوە، ئەگینا هەموو جارێك 30 نمرەم هێناوە، ئەو رۆژەشم لە یادناچێت كە دڵم تەنگ بوو.
ئازادی: دەربارەی ئارامۆ و ئەڤین چیت هەیە بۆیان؟ ئەی بۆ گروپی موزیك؟
كەویار: هەمیشە خۆشمدەوێن و بە مامۆستای خۆمیان دەزانم، هەروەها بۆچونەكانی گروپی موزیك هۆكارێك بوو بۆ بەرەوپێشچوونی من و سەركەوتنم، هەریەكەیان مامۆستایەك بوو بۆم.
ئازادی: لە بەرنامەكە چۆن وەرگیرایت؟
كەویار: زیاتر لە 60 منداڵ لە تۆ نمونەی دا هاتنە پێشەوە، من لە كۆتاییەكانیدا چووم ، مامۆستا هەڵبەست و لیژنەكە پلەی باشەیان پێ بەخشیم و وەرگیرام.
هئازادی: كەویار دەنگی كێ ی پێ خۆشە؟
كەویار: دەنگی مامۆستا مەزهەری خالقیم پێ خۆشە لەگەڵ هونەرمەندان(كانی، عەدنان كەریم و لەیلا فەریقی…) گۆرانییەكانیان لەسەر زاری منن بە بەردەوامی.
ئازادی:كە پلەكان دیاری كران و زانیت یەكەم و دووەمیت لەدەستداوە، هەستت بەچی كرد؟ خۆتت دانابوو بۆ یەكەم و دووەمی؟
كەویار: من خۆم بە یەكەم و دووەم دەزانم بەڵام دەنگی خۆم و گۆرانیییەكان و لیژنە بڕیاریان نەداوە، ئەوە تەنها بۆچونی خەڵكە لە ڕێگەی كورتە نامەوە دەنگیان داوە و زۆرترین نامەش بۆ كەسێك دەبێتە یەكەم.
ئازادی: لە بەرنامەكە كاتێك هاوڕێت (ئارژین)كشایەوە، هەستت چۆن بوو؟
كەویار:زۆرم پێناخۆش بوو، ئەو یەكێك بوو لە دەنگە خۆشەكان و نازانم بۆچی كشایەوە.
ئازادی:كە نمرەی سێیەمت بەدەستهێنا هەستت چۆن بوو؟
كەویار: هەموو كەس حەز دەكات یەكەم بێت، بەڵام من سوپاسی ئەو كەسانە دەكەم كە دەنگیان پێدام ، هۆكارێك بوون كە بگەمە ئەو پلەیە، منیش بەڵێن دەدەم هەمیشە بەردەوام بم، چونكە هەست دەكەم گوێگری خۆمم هەیە بە مانایەی كە من زیاتر 5800 دەنگ زیاترم هێناوە...............
به بۆنه‌ی جه‌ژنی نه‌ورۆزه‌وه پیرۆزبایی ئاراسته‌ی هه‌ر چوار پارچه‌ی كوردستان ده‌كه‌ین به هیوای ئازادی له نه‌ورۆزی داهاتوو
