ڕۆژ كه‌ریم له‌ دیمانه‌ی ئازادی

گوێ لە خۆم ناگرم


ئازادی:سەرەتا پرسیارمان لە ڕۆژ كەریم كرد بۆچی هاتونەتەوە بۆ كوردستان؟
رۆژ: لەسەر بانگهێشتی كۆمپانیایەك، بۆ بەئەنجام گەیاندنی چەندین كۆنسێرت و ئاهەنگ.
دەنگ:جیاوازی كۆنسێرت و ئاهەنگ چییە؟یان با بڵێین كۆنسێرت لە كوردستان هەیە؟
رۆژ:شەوە ئاهەنگ هەیە، كۆنسێرتیش هەیە، بەڵام شەوە ئاهەنگ باشترە وەك لەوەی ناوی كۆنسێرتی لێ‌ بنێین.......
ئازادی:چ شتێك ڕۆژ كەریم ناچار دەكات گۆرانی لەسەر ڕیتمی خێرا بڵێت بۆ ئاهەنگەكان ،هەست ناكەیت تۆ لەو ڕیتمە )سلۆ(یە لادەدەیت؟
رۆژ:من وا هەست ناكەم بە بۆچونی من ئەو بیركردنەوەیەی تۆ وانیە، دەنگی گۆرانی بێژ وەك ئالەتێكی مۆسیقی وایە دەبێت هەموو شتێكی پێ لێ بدرێت، جا خاو بێت یان سەریع . بە بۆچونی من ئەوەش بەشێكە لە كارەكەی من.
ئازادی:بۆچی ماوەیەكی زۆرە ئەلبومت نییە؟هەست ناكەیت غەدر لەجەماوەرەكەت دەكەیت بە حوكمی ئەوەی ئەوان هەمیشە تامەزرۆی كارەكانی ڕۆژ بن ؟
رۆژ:ئەلبووم كردن هەر وا ئاسان نییە، بودجەیەكی خەیاڵی تێ‌ دەچێت ئێستا ئەو بودجەیە دابین ناكرێت، من بەوە شادم و هەموو ساڵێك بەرهەمێكم هەبووە، لە بەرنامە هونەرییەكان دا گۆرانی تازەم پێشكەش بە جەماوەرەكەم كردووە و كاری هونەریم بۆ هونەرمەندانی تریش كردووە .
ئازادی:گۆرانیەكانت زۆر ناسك و بەسۆزن ئەكرێت بلێین ڕۆژیش هەروایە؟
رۆژ:من وا بیرناكەمەوە ، دەبێت گۆرانی بە هەست بێت و ڕۆمانسی بێت، بە واتایەكی تر دەبێت لە دڵەوە بوترێت، من بۆ هەڵبژاردنی تێكستەكان زۆر وردم.. زیاتر تێكستەكان ئەو دیوە ناسكە دروست دەكەن.
ئازادی: ئەزمونەی گۆرانی وتن چی فێركردی ؟ چی فێر كردووی؟
رۆژ: فێری ئەوە بووم كە دەبێت هەر فێر بیت و بەردەوام بیت دەبێت بخوێنی، گۆرانی ووتن هەر ئەوە نیە دایكی بڵێ‌ وەڵاهی دەنگی زۆر نەرمە (هاهاها..)،من ساڵەكانی هەشتاو چوار لە پەیمانگا مۆزیكم خوێندووە،لای مامۆستا (خالید سەركار) و (فرانسیس داود) كە هەتا ماوم قەرزاری ئەوانم لەسەر دەستی ئەوان من فێری مۆزیك بووم.
كە چووشمە ئەوروپا دەگەڕام بە دوای خوێندن و تێكەڵاو كردنی هونەرمەندە باشەكان و تەجروبەی ژیان هەمووی ئەوەت پێ دەبەخشێت كە كارەكانت هەمووی موراهیقانە نین كامڵا دەبن.
ئازادی:گوێ‌ لە كێ‌ دەگری؟گوێ‌ لە خۆت دەگری؟
رۆژ:نا گوێ‌ لە خۆم ناگرم ،بەس(مەهەستی و گۆگش)،كوردەكان گەنجەكان زۆربەیان.
ئازادی:كە گۆرانییەكی تازە دەڵَێیت بیر لە چی دەكەیتەوە؟
رۆژ:بیر لەوە دەكەمەوە كە گۆرانییەكی هەستیارتر بڵێم.گۆرانی لای من تێكستەكەیەتی و میلۆدی دەرەجەی دووەمە.
ئازادی:فكرەی گۆرانی ڕیتا لە چییەوە دروست بوو؟
رۆژ:ریتا ناوی كچێكە فكرەكەی هی كاك نەریمانی بابانە، لە ناو كلیپی كوردیدا یەك سیناریۆی كۆمیدی نەبووە دوای ڕیتا ..ئاراس و زۆرینەی تریش دروست بوون پێش ڕیتا بۆ كەس نەبوو ئاوا بكات؟؟ گۆرانی ڕیتا دەستپێكی كلیپی پێكەنیناوی بوو لە هونەری كوردیدا ،هیچ كەسێك نەبوو گۆرانیەك دروست بكات كە زەردەخەنە بەخش بێت.
ئازادی:لەسەر كام لە ستایلەكان گۆرانی دەڵێیت و بەردەوام دەبیت؟
رۆژ:سۆفت پۆپ،واتا پۆپێكی هێمن و ڕۆمانسی.
ئازادی:گۆرانی دوێتت نییە؟حەزی لێ ناكەیت؟
رۆژ:نا..رێك نەكەوتووە بەڵام ئێستا پڕۆژەیەكم لە بەردەم دایە شەش گۆرانی بێژین ،نامەوێت زانیاری زیاتر بدەم لەسەر ئەو پڕۆژەیە،گۆرانییەكە لەسەر كوردستان دەبێت.
ئازادی:باسی گۆرانی نەتەوەییت كرد بۆچی هەموو هونەرمەندێك گۆرانی بۆ كەركوك ووتوە ؟ڕەنگە ژمارەیەكی زۆر بێت.. كەچی هێشتا بایی ئەوە نیە و كاریگەری نی یە ؟ یەعنی بووە بە مۆدێل.
رۆژ:ئەوە بازاڕی سیاسیە،هونەرمەندەكان سەیر دەكەن دەڵێن (ئەوان شوێنی خۆیان گرت بەو كەلیماتانە با ئێمەش شوێنی خۆمان بگرین) كەركوك و هەموو شوێنەكانی تری كوردستان ناتوانیت لە خۆتی جیا بكەیتەوە ، هەمووی وەك یەكە بۆ من بە بۆچوونی من تۆزێك زیاد لەحەد ئەو كارانە دەكرێت لە خانەیەكی كاریگەر نییە وەك گۆرانییەكەی (ئوم كەلپوم) نیە كە بۆ قودسی ووتوە،بەڵام لێرە هونەرمەند جێگەی سەرنج نی یە لای لایەنی سیاسی و لای هاوڵاتیان.
ئازادی:باسی ئەلبوومەكەت بكە؟
رۆژ:تا ئێستا (14) گۆرانیە بەڵام لەوانەیە كەمی بكەمەوە،تێكستەكانی زۆرینەی هی كاك (هێمن شێخ عمر)ە.
ئاوازەكانی هەمووی هی خۆمە و داڕشتنەوەی نیوەی هی خۆمەو نیوەی هی بژار دیلانە ،گۆران كامل و سامان و میران و خۆشناو كاریان لەگەڵ كردووم چەند گۆرانیەك لە ستۆدیۆی بژار كردوومە ، ئەم سی دی یەی خۆم جیاوازی زۆری تیایە وەك مۆزیك و ئاواز و پەیوەندی ووشە ،هەمووشی سۆرانییە هەوڵ ئەدەم بادینیەكی تیا بێت .
بە نیازم گۆرانییەكی كلیپ بكەم بەر لە بڵاو بوونەوەی (CD)یەكە لەگەڵ كاك(هەردی عمر)كلیپی دەكەم بە ناوی (ژینم هەر تۆی)...