كێ نه‌یكردیه‌و كێ لێ ی نه‌دایه‌؟؟؟

هێشتا دەستم بۆی نەبردووە تا پێی بنووسم، قەڵەمەكەم
مردووە لەپێكەنینا! ئەڵێ: ئەزانم، تۆش ئەزانی ئێستا چیی لەكەللەی خوێنەردا
وەك بودجەی ئەمساڵ لەنێوان حكومەت و پەرلەماندا ئەسووڕێتەوە، كە كەس نازانێ
ئاخۆ ئەمساڵ بۆچی وەك ساڵان چەوری ناكەن تا بە ئاسانی لێی دەربازبێ. ئیتر
بەری نەسرییەو سەفرەو سیاحەو ئیفاد و جۆگەلەی بەرەكەت بەربێ ..؟!!
قەڵەمەكەم زۆر بەو عینوانەی سەرەوە پێكەنی! بەڵام هەركە پێمگوت ئەو كردن و
دان و نەدانەی لەعینوانەكەدا زەن دەبرێ شتێكی زۆر لەوە پیسترە، وەها دایە
قاقا ئەوەی چەند ساڵە نووسیبووی هەمووی لەنووكییەوە هاتە دەرێ، جا وەرە
قەڵەم لووشكە بدا لەكەرێ، دەبێ چۆن دەنووكی عاسیبێ، چۆن تاقە چاوەكەی بێتە
دەرێ...؟!!
هاوڕێیەكی ئافرەتم هەیە زۆر مەرمووقە، حیكمەتی زۆری لایە، بەڵام لای هەندێ
كەس وەكو بووقە، لای هەندێكیش وەك زوڕنایە، فیكرەی ئەمجارەشم هەر لەو
وەرگرتووە، ئەگەرچی ئەو (دڵ)ێكی هەیە هەر بەبەلاش بەمنی گرتووە، هەموو
خۆشەویستی منی وەك كۆنە رۆژنامەكان فرۆشتووە، ئێستا ئەو خۆشەویستییە
سووتاوە لەبن ئوتووە..!!
كە باس لەكەسانی خۆ بەزل زان و فیز لێدەرو خۆ بەخالیق شوبهێنەری ئەم خەڵكە
دەكەین، ئەو رەفیقە ئافرەتەم زۆر بەفشە وەریدەگرێ و حیكمەتەكەی ئەو لەوە
دایە دەڵێ : باشە ئەوانەی خۆیان لەخەڵك جودا دەكەنەوەو دەچنە پەڕەكەی
عاسمان، چیان لەعەوام زیاترە؟ ئایە وەك ئێمە ناچنە ئاودەست، ئایە وەك ئێمە
لەئاودەست تڕ لێنادەن؟.گووناكەن و بەدەست..؟!!
منیش تەرتیباتی زیاترم بۆكردو گوتم: دە وەڵڵاهی راست دەكەی. كێ هەیە گوێی
لەئاوازی جۆراوجۆری تڕی خۆی نەبووبێ، كێ هەیە لەتاو بۆنی پیسایی خۆی بەپەلە
ڕانەكاتە دەرەوەو خۆی لەپاشماوەی خۆی رزگار نەكات..؟!!
كەواتە بەڕاستی قسەیەكی جوانە هاوڕێكەم كە دەڵێ:.بۆچی ناز بەسەر یەكترییەوە
بكەین؟ كە هەموومان لەپێكهاتەیەك بین. قسەیەكی جوانتریشی هەیە، حەقە
هەردووكیان لەشوێنان هەڵبواسرێن! تا خۆمان لەبیرنەكەین و باشتر خۆمان
بناسین، ئەویش ئەوەیە كە دەڵی : عاقیبەت هەرچییەك بیت هەر دەمری، ئەگەر
فیرعەنیش بی، یەخەی ئاسمان بگری..!!
ئیتر ئێمە چین كە تەحەمولی پاشماوەی ئەو خواردنە جوان و بەتامانە نەكەین كە
ژیانی خۆمانی بۆ دەخەینە مەترسی و هەزارو یەك قۆڵبادانی بۆ دەكەین و سفرەی
بۆ دەڕازێنینەوە، كەچی هەركە بەقوڕگماندا چووە خوارێ. گەر داینەنێین تا
ئێیوارێ، وەك تاوی باران بامان لێ دەبارێ! كە تەنها تڕێك بەسسە بۆئەوەی
لەشەرما ئاوەدانی بەجێبيڵین..!!!