كه‌ته‌لونی
به‌ڕێوه‌به‌ری گشتی
[img]http://img406.imageshack.us/img406
ژماره‌ی ئه‌ندام : 1
ژماره‌ی په‌یامه‌كان : 180
كه‌سێتی : 0
میژوی تۆماركردن : 09/12/2010
ماڵپه‌ڕ : www.azad.mam9.com
 | موضوع: مشته‌ی ناو هه‌مبانه‌كه  الثلاثاء فبراير 08, 2011 9:14 pm | |
| وەك خه‌ڵكی موعتاد بە حەشیش و تلیاك، منیش ئیدمان بووم له‌سه‌ر بۆڵه‌بۆڵ .. دایمە گوێقوڵاغی هه‌واڵێ، هاوارێ، نەڕەیەك بووم، له‌پڕ خوا ناردی و دڵم سوكنایی بۆهات!بۆڵه‌بۆڵ: كچێ ئیدمانی چی وشتی چی؟ من نه قاوەم و نه دوكه‌ڵ و نە شتی تر! دانیشه له خوتوخۆڕایی ٢٠ ساڵێك مەده به‌ته‌نگه‌ما... بۆ ناشمكه‌ی بە حەشاش ؟.ورته‌ورت: ئه‌زانم بۆچی ئه‌بۆڵێنی، به‌س نه‌بوو جوان نه‌بووی! جاخۆ دنیات ئه‌خوارد! خۆ شتە زله‌كانی لای ئێمه جوانیش نین دنیایان لووشكرد، ئه‌رێ به‌ڕاست بۆ نابی به گورانیبێژ؟ ئێ وه‌ڵا هیچی تێناچێت، ته‌نها شیعرێكی خواروخێچ و ئاوازێكی توركی یا عەرەبی و كراسێكی سووری بەسە، منیش نه‌جاتم ئه‌بێت .بۆڵه‌بۆڵ: واز لەم مه‌سه‌له‌یه بێنه، بووی به كرمی ناو فه‌ریكه‌نۆك ، نایه‌ڵی بیلامانێ به بایكه‌م! به‌م به‌هارو سه‌یرانه هه‌ر گۆرانیبێژ زۆرن، ئه‌ڵێی جنۆكه‌ن له‌پڕ قوت ئه‌بنه‌وه! بڕێ به‌یتوبالۆره ئەده‌ن به گوێتاو ئه‌بێ وه‌ك مۆرانه هه‌ر ده‌ستت له‌گیرفانتا بێت، له ووڵاتان خه‌ڵكی بۆ بینینی سروشت دەچنە سەیران، ئێمه‌ش بۆ قۆڵ بڕین!ورته‌ورت: ئه‌زانی به‌عزێ جار گریانم بۆ حاڵی خۆم دێت، له‌داخی ئه‌م هه‌مو مه‌ئساته، عه‌شقی خەڵكی بۆ داروبه‌رد بووە به‌عه‌شقی مێسنجەر و ئیشوكاری كوڕوكاڵێش به نوكه‌ناردن !! ده‌می هه‌ر كه‌سێكیش ئه‌كه‌یته‌وه به‌سەڵییه ناڕه‌زایت تێئه‌گرێت، وه‌ك ئه‌وه‌ی خوانه‌خواسته عیلمی فه‌له‌كیان پێبێت! شەڵا نیوتن به‌عه‌كسه‌وه ته‌فسیری هێزی ڕاكێشانی بكردایه ئێستا بۆخۆی هه‌موومان وه‌ك میزه‌ڵان له‌وئاسمانا ئه‌سوڕاینه‌وه وئه‌م ڕۆژه‌مان نه‌ئه‌بینی!بۆڵه‌بۆڵ: ئه‌رێ داده عیلم ومه‌عریفه‌ی چی ؟ ئه‌ڵێی له‌گوێێ گایا نوستوی، خۆزگه ته‌ماشایه‌كی به‌رنامه‌ی (پە‌رسیڤا ته) بكه‌ی ئه‌وسا ئه‌زانی ئه‌قڵ وه‌ك ده‌غیله‌ی به‌تاڵ سه‌رەواوێكی تیا نییه! پیاو له‌ڕووی نایه به‌خۆی بڵێ به‌شه‌ر، كچێ به‌س نییه من وتۆ زوو مه‌كته‌بمان ته‌واو كرد، به‌قوربانی مامۆستا بم.. ئه‌و قه‌ڵه‌مه‌ی ئه‌یخسته به‌ینی په‌نجه‌كامانەوه‌وئه‌یگوشی كردینی به به‌شه‌ر! ئه‌گینا ئێمه‌ش به‌ناوی خۆمانمان ئه‌وت ته‌ته !!ورته‌ورت: باش بوو باسی مه‌كته‌بت كرد، ئه‌رێ ئه‌ڵێن له په‌یمانگای ته‌كنیكی هه‌ولێر هه‌ر گه‌نجێك به‌جلی كورییه‌وه بچێته ده‌وام ڕاگری په‌یمانگەكه ده‌ری ده‌كات!! ئیمتیحاتیش به زمانی عه‌ره‌بییه! ئیتر ته‌له‌به‌كان موزاهه‌ره‌یان كردووە.بۆڵه‌بۆڵ: كچێ باسی موزاهه‌رەوشتی وا مه‌كه، من نازانم ئه‌م عاله‌مه بۆ هاربوون؟ هه‌ر كاره‌با ئه‌بڕێت یه‌نه سه‌رجاده ! معاش دوائه‌كه‌وێت هه‌ر وه‌ی ! دامەزراندن ڕادەگرن دنیا ئەشڵەقێنن !! بۆ دانانیشن بە دەردی خۆتانەوە؟ ئه‌ی له‌سۆماڵ بوونایه چیتانده‌كرد؟ جاخۆ ده‌بوونە قه‌ره‌برووت.ورته‌ورت: جا بۆ ئێستا نه‌بووین به قه‌ره‌بروت؟ خۆ شه‌رت نییه خۆر بمان سوتێنێت به‌ساقه! ئێمه مشته‌ی ناو هه‌مبانه‌كه كوشتوینی و هه‌موو زراومان ئاوساوه، له‌شانسی دكتۆره‌كان كه‌سیش نییه پێمان بڵێت خۆتان خۆش! واز لەم فڵتەفڵتە بێنەو دوعایه بكه با پێكەوە بڵێێن ئامیین .یاڕه‌بی خوایه بۆخاتری ڕۆژی مه‌ولودی موباره‌ك، به‌لوتفی خۆت كوته‌كی زاڵمان له‌ناوبه‌ریت و ئه‌و ئوممه‌ته سه‌قه‌ته ئەوه‌نده‌ی تر سه‌قه‌ت نه‌كه‌ی به‌ده‌ست جاده‌و بانه‌وه!!
| |
|
به بۆنه‌ی جه‌ژنی نه‌ورۆزه‌وه پیرۆزبایی ئاراسته‌ی هه‌ر چوار پارچه‌ی كوردستان ده‌كه‌ین به هیوای ئازادی له نه‌ورۆزی داهاتوو
