پرته‌و بۆڵه‌

شەربەتێكی هەنارم بۆ تێكە، بەسەر چاو خوشكی من! وەستا نەجم شەربەتێكی مۆزم بۆ تێكە و ئەوەش پارەی دوو شەربەت! كاكە تۆ خوشك و دایكت نییە؟ بۆ دادەگیان چیم كردووە؟ بۆ لە خۆتەوە پارەی شەربەتی من واسڵ ئەكەیت؟ ئەمناسیت؟ ئەتناسم؟. نەیخۆیت تاڵە زۆر سەهویت پارەی تۆ واسڵ بكەم، من بەتەمام دوای شەربەتی مۆز شەربەتێكی هەناریش هەڵقوڕێنم، فەرموو وەستا، (ڤیاگرا) مان لایە حەبی (مەنع) حەبی (قەڵەوی) (سۆماڵدرین) (توسیرام) (بلمۆ كۆدین). لایبە بابە لایبە، با ئەو پۆلیسەت بۆ بانگ نەكەم! عەفوەن ئەو پۆلیسە برادەرمە و شازی مشتەرییە، ئێستا دوو پارچە (میبرۆ بامات)ی برد! كاك سابیر دەنگ و باس؟ تۆ جارێ وەرە ئەملاوە با تەڕ نەبیت! لێیگەڕێ خۆش ئەبارێت، تۆ سەیری ئەو بەرخەكە! واز لە بەرخ بێنە، ئەرێ نەهاتووە؟. بەرێوەڵا بایعات هاتووە، بەڵام برنجەكەی زۆر باش نییە! هەتیو بایعات ناڵێم، هەی لەبرسا نوستوو، ئەو بوونەوەرە ئەڵێم، بوونەوەر كێیە؟ مەبەستم مالیكییە، ئەی قەرار نەبوو بێت؟. بابا هاتووە، بەڕاست كەی؟. خۆی نا، ڕیشی هاتووە! چییە؟ ڕائەبوێریت؟. تۆ ڕاوەستە، بابچم لای ئەو حەب فرۆشە پارچەیەك حەبی دەماغ سزیت بۆ بێنم، بۆچی؟. ئەی مردوت مرێ مالیكی ئیشی چییە بێت بۆ ئێرە؟. چوزانم وایانوت! ڕۆڵە ئەگەر بێت بە لەشكرەوە دێت، یەعنی لیواكەشی دێنێ! كام لیوا؟. وەكو جوانەمەرگە لیوای حەرەس مالیكی!!..