حەفلەی ڕۆژنامەنووسان
لە ئاخروئۆخری ئەم
مانگەدا بەبۆنەی رۆژی رۆژنامەنووسانی كوردستانەوە چەند بەزمورەزمێكی تایبەت ئەچێ
بەڕێوە، ئەمما لێم مەعلوم نییە رێگەكەی خۆڵە یان قیرە؟
سەیرەكەی لەوەدایە هێشتا كەس نازانێ شەرتوشرووتی رۆژنامەنوووس چییەو چۆنە! وەك
چێشتی مجێور تێكەڵ بووەو بەم نەوعە :
هەندێ بوونەتە دەمڕاستی خەڵكی و بوونەتە ئەنجوومەن یان شوورا كەچی ئەڵێن
رۆژنامەنووسین! بەعزێكی تر لە ئەسڵا ئیشی موعارەزەو سیاسەتی بەعەكسی دەوڵەتەوە
ئەكەن كەچی ئەڵێن رۆژنامەنووسین .. هەنێكی دیان دەوری قەرارات و ئەمری دەوڵەت
ئەبینن و ئەوانیش ئەڵێن رۆژنامەنوووسین .. هەشە هەرچی قسەی سەر كاغەزی هەیە رەئی
خۆی نییە بەكرێی باش بۆ خەڵكی تری نووسیوە! ئەویش خۆی بە رۆژنامەنووس ئەزانێ! هەیە
حەرەسی دەزگایەكی ئیعلامیەو خۆی بە بەدرخان ناگۆرێتەوە و داوای هەویەی رۆژنامەنووسی
دەكات! ... چەند كەسێكیش هەویەكەیان پێیە و لەرێگەی مەسئول دەزگاكەیانەوە پشتگیریان
كراوەو بوونەتە رۆژنامەنووس! چونكە یان سایقی تایبەتی ئەون، یان جەماعەتن، لەهەمووی
سەیرتر ئەوەیە هەرچی موەزەفی ئیداری جەریدەو رادێوو تەلەفزیۆنەكان هەیە, هەمووویان
كراونەتە رۆژنامەنووس! لەوەش عەجایبتر ئەوەیە هێشتا روون نەبووتەوە راستبێژ یان
درۆبێژ، رەخنەگر یان جنێودەر، مەقالەنووس یان راپۆرتنووس، گرێبەست یان هەمیشەیی،
كامیان رۆژنامەنووسن؟.. دەی پیرۆزبێ لە هەمووووتان رۆژنامەنووسەكانی ولات!
به بۆنه‌ی جه‌ژنی نه‌ورۆزه‌وه پیرۆزبایی ئاراسته‌ی هه‌ر چوار پارچه‌ی كوردستان ده‌كه‌ین به هیوای ئازادی له نه‌ورۆزی داهاتوو
